LOCATION/TYPE

NEWS HOME

[ exact phrase in "" • results by date ]

[ Google-powered • results by relevance ]



Archive
RSS

Add NWW headlines to your site (click here)

Get weekly updates

WHAT TO DO
when your community is targeted

RSS

RSS feeds and more

Keep Wind Watch online and independent!

Donate via Paypal

Donate via Stripe

Selected Documents

All Documents

Research Links

Alerts

Press Releases

FAQs

Campaign Material

Photos & Graphics

Videos

Allied Groups

Wind Watch is a registered educational charity, founded in 2005.
»» Search…

News Watch Home

Slik aksjonerer vindkraft-motstandarar over heile landet 

Credit:  Marius André Jenssen Stenberg, Journalist ; Øystein Otterdal, Journalist ; Johannes Børstad, Journalist ; Geir Bjarte Hjetland, Journalist ; Anne Kari Løberg, Journalist | NRK | Publisert 08.10.2019 | www.nrk.no ~~

Share:

e-mail X FB LI TG TG Share


[On Tuesday, more than 130 signal fires were expected to mark opposition to local wind power developments. (translate article to English)]

Tysdag blei meir enn 130 vardar tende for å markere motstand mot lokale vindkraftutbyggingar. – Det er mange stader det skal byggjast, og det håpar eg vi klarer å stanse, seier vindkraftmotstandar.

Vardar blir tende over heile landet mot vindkraftutbygging, her på fjellet Ulriken i Bergen. Foto: Kristian Kvamme / NRK

Rundt om i Noreg er det mange vindkraftprosjekt som møter stor motstand i befolkninga. I kveld har dei organisert seg i alle fylke.

NVE har peikt ut 13 område som mest eigna for vindkraft i Noreg. Rundt 40 prosent av desse områda blir også rekna som inngrepsfri natur.

– Vi vil vise at dette er ei folkeleg rørsle og ei sak som opprører heile landet. Vi håpar at dette får politikarane til å forstå at dei må gjere noko, seier leiar for Motvind Norge, Eivind Salen.

8. oktober er det også 40 år sidan sveltetreiken under Alta-aksjonen starta, noko som er grunnen til at vindkraftaksjonen er lagt til i dag.

Spillumsaksla i Namsos – Foto: Kjartan Trana / NRK

Vardafjellet i Sandnes – Foto: Tore Haye

Skardsøya i Aure på Nordmøre – Foto: Eirik Haukenes / NRK

Fjellet Ulriken i Bergen – Foto: Kristian Kvamme / NRK

Høyanger i Sogn og Fjordane – Foto: Einar Rysjedal

Liafjellet i Flatanger i Trøndelag – Foto: Johannes Børstad / NRK

Siljan i Telemark – Foto: Kurt Inge Dale

Elverum i Hedmark – Foto: Anne Kari Løberg / NRK

Varsel om fare

Vardebrenning er ein eldgammal måte å varsle fare på, og har i nyare tid blitt brukt til å demonstrere politiske meiningar.

– 130 vardetenningar symboliserer varsel om at den norske naturen er i overhengande fare, og krev at vi vaknar og grip til dei våpen vi har, fortel Irene Gjellestad i Motvind Sørvest i ei pressemelding.

Ein av stadene dei har protestert er Bjerkreim i Rogaland, det det skal kome vindturbinar på åtte fjelltoppar. Der får vardebrenninga også støtte frå grunneigarar.

– Vi trur dette er ein god måte å demonstrere på. Eg håper det ikkje blir noko av utbygginga. ein ser jo kva for konsekvensar det kan få for naturen og dei som bur i området. Fleire vil ikkje kunne bu der dei bor i dag, seier grunneigar Tor jan Espedal.

– Vindmøller er ikkje den rette måten å redde miljøet på, fordi dei øydelegg naturen, seier Thea Iren Espedal, som er med på å organisere vardetenninga i Bjerkreim.

Aksjonistar på Haramsfjellet i Haram på Sunnmøre. – Vi står i fare for å miste ein del av naturen og identiteten vår, seier vindkraftmotstandar Jørgen Aakre (grøn genser). Foto: Øyvind Berge Sæbjørnsen / NRK

– Dei skal køyre over fjella våre

I Trøndelag har det vore mykje lokal motstand mot vindkraftutbygging i løpet av det siste året. På Frøya har det vore høglydte protestar mot Trønderenergi, som er i gang med utbygging av eit nytt vindkraftverk som skal stå ferdig i 2020.

Det er venta at over 130 vardar blir tende 8. oktober. Foto: Google Maps / Motvind Norge

Ved Sørmarkfjellet i Flatanger har aksjonistar prøvd å sabotere utbygginga kraftverket der med 31 planlagde vindturbinar.

Fredrik Klocke er ein av dei rundt 20 som har tatt turen til Liafjellet i Flatanger for å brenne varde.

– Det er ein viktig kamp for meg. Dei skal køyre over fjella og rasere naturen vår.

Er det mogleg å stoppe utbygginga?

– Det er mange stader det skal byggjast, og det håpar eg vi klarer å stanse.

I Trøndelag er tre store område peikt ut av NVE som best eigna for utbygging, men i sommar blei det klart at trønderske fylkespolitikarar har sagt tydeleg frå om at dei vil stoppe alle nye vindkraftplanar i fylket.

Får vindturbinar tett på seg

Berit Østmoen har kjempa mot vindkraftutbygging i Hedmark i fleire år. Ho vil ikkje ha vindturbinar så tett på seg.

– Det er fordi eg både er harm, trist og lei meg. Vi bur i Sørskogbygda og ser dei store naturinngrepa som skjer. Vi synest det er trist at det skjer.

Ho og ektemannen bur midt mellom det etablerte vindkraftverket Ra-skiftet i Åmot/Trysil/Elverum og det planlagde i Kjølberget i Våler/Trysil.

I regn og surt vêr gjekk over 40 personar til fjells for å tenne varde i Høyanger i Sogn og Fjordane.

– Det er vi svært nøgde med, seier Raudt-politikar Einar Rysjedal.

Industristaden er ein av dei plassane i landet som vil merke vindkraftutbygging mest. I fjellområda mellom Høyanger og Viksdalen i Gaular kan det kome opp mot 80 vindturbinar.

Source:  Marius André Jenssen Stenberg, Journalist ; Øystein Otterdal, Journalist ; Johannes Børstad, Journalist ; Geir Bjarte Hjetland, Journalist ; Anne Kari Løberg, Journalist | NRK | Publisert 08.10.2019 | www.nrk.no

This article is the work of the source indicated. Any opinions expressed in it are not necessarily those of National Wind Watch.

The copyright of this article resides with the author or publisher indicated. As part of its noncommercial educational effort to present the environmental, social, scientific, and economic issues of large-scale wind power development to a global audience seeking such information, National Wind Watch endeavors to observe “fair use” as provided for in section 107 of U.S. Copyright Law and similar “fair dealing” provisions of the copyright laws of other nations. Send requests to excerpt, general inquiries, and comments via e-mail.

Wind Watch relies entirely
on User Funding
   Donate via Paypal
(via Paypal)
Donate via Stripe
(via Stripe)
Tag: Photos


News Watch Home

CONTACT DONATE PRIVACY ABOUT SEARCH
© National Wind Watch, Inc.
Use of copyrighted material adheres to Fair Use.
"Wind Watch" is a registered trademark.